Donald Trump kërcënon të bombardojë Omanin nëse “pengon” përfundimin e luftës me Iranin
Donald Trump ka kërcënuar sërish Omanin me bombardime nëse vendi “pengon” përpjekjet e tij për t’i dhënë fund luftës mes SHBA-së, Izraelit dhe Iranit.
Kërcënimi vjen ndërsa skadon afati dymujor i negociatave me Teheranin, pa asnjë marrëveshje paqeje në horizont.
Ndërkohë, Trump tha se nuk është me nxitim për një marrëveshje, ndërsa tensionet në rajon vijojnë dhe Ngushtica e Hormuzit mbetet pothuajse e mbyllur për trafikun ndërkombëtar.
Presidenti i Koresë së Jugut bën thirrje për pavarësi ushtarake pas thirrjes së Trump për të shkurtuar stërvitjet e përbashkëta
Presidenti i Koresë së Jugut, Lee Jae Myung, ka kërkuar përshpejtimin e procesit që Seuli të marrë sërish kontrollin e pavarur të forcave të tij ushtarake në rast lufte, pas vendimit të Donald Trump për të reduktuar ndjeshëm stërvitjet e përbashkëta ushtarake.
Ai kërkoi gjithashtu përparim më të shpejtë në programin për ndërtimin e nëndetëseve me energji bërthamore, duke theksuar se forcimi i mbrojtjes së vendit do ta bëjë aleancën me SHBA-në më të fortë.
Vendimi i Trump u lidh me marrëdhëniet e tij të mira me liderin e Koresë së Veriut, Kim Jong-un, për të cilin presidenti amerikan tha se ka qenë “respektues” dhe se marrëdhënia mes tyre ka ulur tensionet.
Ujë i shenjtë: murgeshat luftojnë planet e qytetit italian për t'u marrë klubin e plazhit
Një grup murgeshash në qytetin bregdetar italian Spotorno po përpiqet të mbajë kontrollin mbi një plazh që e menaxhon prej vitit 1946, pasi bashkia planifikon ta nxjerrë në tender publik.
Motrat e Urdhrit të Motrave të Bamirësisë së Shën Marisë thonë se të ardhurat nga shezlongët dhe çadrat financojnë aktivitete bamirësie, përfshirë një shkollë për fëmijë dhe një kamp veror.
Bashkia këmbëngul se, nëse duan të vazhdojnë ta administrojnë plazhin, duhet të marrin pjesë në tender si çdo operator tjetër, në një përplasje që mediat lokale e kanë quajtur një “luftë të shenjtë”.
Nxehtësia ekstreme është më e rrezikshme për njerëzit 60 vjeç e lart sesa mendohej më parë
Një studim i ri ka zbuluar se personat mbi 60 vjeç mund të përballen me stres të rrezikshëm nga nxehtësia në temperatura shumë më të ulëta nga sa mendohej më parë.
Sipas kërkimit, të moshuarit mund të jenë në rrezik që në një rritje prej vetëm 1.5°C të temperaturës globale mbi nivelet paraindustriale, ndërsa për të rinjtë pragu vlerësohet rreth 4°C.
Me rritjen e temperaturave dhe plakjen e popullsisë botërore, studiuesit paralajmërojnë se valët e të nxehtit do të përbëjnë një kërcënim gjithnjë e më të madh për shëndetin e të moshuarve, veçanërisht në vendet me të ardhura të ulëta dhe mesatare.
