SHBA-ja thotë se Izraeli dhe Siria bien dakord për armëpushim, ndërsa pakica druze dhe klanet beduine vazhdojnë të përplasen
Izraeli dhe Siria bien dakord për armëpushim të ndërmjetësuar nga SHBA, pas një jave luftimesh që zhvendosën dhjetëra mijëra njerëz.
Ndërkohë, përleshjet brutale mes milicive druze dhe klaneve beduine në Sweida rifillojnë, duke e kthyer zonën në një tjetër vatër humanitare. Forcat qeveritare u tërhoqën, por konflikti i brendshëm etnik dhe sektar vazhdon të përshkallëzohet.
Trump padit Wall Street Journal dhe Rupert Murdoch për raportin e Epstein
Donald Trump ka paditur Rupert Murdoch dhe dy gazetarë të gazetës Wall Street Journal për shpifje dhe përdhosje, lidhur me pretendimet se ai i dërgoi abuzuesit seksual Jeffrey Epstein një letër të turpshme dhe një skicë të një gruaje të zhveshur.
Padia e Trump të premten, e cila synon gjithashtu Dow Jones dhe News Corp, u ngrit në gjykatën federale të distriktit jugor të Floridës në Miami. Padia kërkon të paktën 10 miliardë dollarë dëmshpërblim.
BE dhe Britania "godasin" naftën ruse: Çmimi bie, presioni rritet
BE dhe Mbretëria e Bashkuar ranë dakord të ulin çmimin maksimal të naftës ruse për të frenuar financimin e luftës së Kremlinit në Ukrainë. Paketa e re e sanksioneve, e cilësuar si më e forta deri tani, prek gjithashtu bankat, tubacionet dhe eksportet teknologjike.
Kufiri i ri do të hyjë në fuqi më 3 shtator dhe synon të godasë direkt të ardhurat e Rusisë, duke ruajtur qëndrueshmërinë e tregjeve energjetike.
Malaria "rikthehet me hakmarrje'"në Zimbabve, ndërsa numri i vdekjeve nga sëmundja trefishohet
Pas ndërprerjes së fondeve amerikane nga administrata Trump, rastet e malaries në Zimbabve u rritën me 180% dhe vdekjet me 218% vetëm në katër muajt e parë të vitit 2025.
Mungesa e rrjetave kundër mushkonjave dhe ndërprerja e furnizimeve me ilaçe e teste kanë lënë mijëra njerëz të pambrojtur, duke minuar përpjekjet 20-vjeçare të vendit për kontrollin e sëmundjes. Zyrtarët lokalë theksojnë nevojën për financim të qëndrueshëm vendas nëse Zimbabve dëshiron të arrijë objektivin për eliminimin e malaries deri në vitin 2030.
