Lejo shenjën e zodiakut të të tregojë modelin e thonjve për muajin gusht

Foto: Khadija Horton/Getty Images

Harroje dilemën se çfarë ngjyre apo modeli të bësh këtë muaj. Në vend që të kërkosh ide në rrjetet sociale apo t'ia lësh vendimin shoqes, këtë herë lër horoskopin të të udhëheqë.

Gushti sjell energji të reja, pushime, festa verore dhe shumë arsye për të eksperimentuar me thonjtë. Çdo shenjë ka një stil që i përshtatet më së miri personalitetit të saj dhe këto janë tendencat që astrologjia sugjeron për muajin gusht.

Dashi – Thonj në ngjyrën e domates

Dashi nuk kalon kurrë pa u vënë re, ndaj edhe e kuqja intensive është zgjedhja ideale. Nuanca e domates, me nënnota portokalli, është më e freskët se e kuqja klasike dhe perfekte për ditët e nxehta të gushtit.

Demi – Thonj në nuancën e liçit

Demët adhurojnë gjithçka që duket elegante. Roza e lehtë me shkëlqim, e frymëzuar nga fruti liçi, është romantike, e rafinuar dhe shkon me çdo veshje verore.

Binjakët – Thonj si shalqiri

Binjakët janë shenja më lozonjare e horoskopit. Roza e ndezur e frymëzuar nga shalqiri është një nga tendencat më të kërkuara të momentit dhe pasqyron energjinë e tyre pozitive.

Gaforrja – Thonjtë me efekt akuareli

Gaforret janë nostalgjike dhe romantike. Manikyri me disa nuanca që përzihen si bojërat e ujit krijon një efekt delikat dhe ëndërrimtar.

Luani – Thonjtë "Ora e Artë"

Luani sundohet nga Dielli, ndaj nuk ka zgjedhje më të mirë se manikyri që bashkon nuancat e perëndimit: të artën, portokallinë, rozën dhe vjollcën. Është një stil që tërheq vëmendjen po aq sa vetë Luani.

Virgjëresha – Thonj natyralë

Virgjëreshat preferojnë elegancën diskrete. Thonjtë natyralë ose me një shtresë transparente me shumë shkëlqim janë zgjedhja perfekte për to.

Peshorja – Thonjtë "qumësht me livando"

E sunduar nga Afërdita, Peshorja nuk i reziston dot tendencave të bukurisë. Roza-vjollcë shumë e zbehtë me efekt qumështi është një nga ngjyrat më elegante të sezonit.

Akrepi – Manikyri i mesnatës

Akrepi ndihet në elementin e tij me të zezën. Një manikyr i zi me shumë shkëlqim krijon një pamje misterioze dhe luksoze.

Shigjetari – Thonj frymëzuar nga udhëtimet

Shigjetari është gjithmonë me mendje te destinacioni i radhës. Zgjidh një manikyr me ngjyra ose motive që të kujtojnë vendin ku po pushon ose ku ëndërron të shkosh.

Bricjapi – Thonjtë në ngjyrë ekspresi

Ambicioz dhe praktik, Bricjapi përshtatet më së miri me nuancat e kafesë së errët. Manikyri në ngjyrë ekspresi është elegant dhe nuk del kurrë nga moda.

Ujori – Thonj me krom të butë

Ujorët janë gjithmonë një hap përpara. Nuancat e bardha, bezhë ose pastel me efekt kromi krijojnë një pamje moderne dhe futuriste.

Peshqit – Thonjtë "Aura"

Peshqit njihen për intuitën dhe botën e tyre shpirtërore. Manikyri "Aura", me dy ose më shumë nuanca që krijojnë një efekt të mjegullt rreth qendrës së thoit, është zgjedhja ideale për energjinë e tyre mistike.