Mira Kazhani do të publikojë një libër të ri, i cili do të titullohet “Një ditë tjetër”. Përmes një postimi në Instagram, gazetarja, autorja dhe moderatorja e podkastit “Zë me Mirën”, tregoi se më 19 shtator, ditën e premte, do të publikohet libri i saj.
Megjithatë, ajo që na bëri përshtypje në postim, është se në fillim të videos, shkruhet në ‘notes’ e telefonit:
“Shkurt 2024: E provova në gji dhimbjen”.
Më tej, mes rreshtave lexohen fjali që lidhen me flokët dhe mendimet e Mirës.
“Doja t’ia dilja me flokët e mi”, lexohet në libër, andaj teoria është se Mira, në mënyrë të heshtur mund të jetë përballur me kancerin e gjirit dhe fatmirësisht, e ka fituar betejën. Për ta mbështetur këtë teori, rikthejmë podkastin e saj në “Zë me Mirën”, ku thotë se do të fliste për një ngjarje të madhe që i kishte ndodhur.
View this post on Instagram
Gjithashtu, ajo u shpreh se do të na fliste nga afër për "dimrin e mirë" në jetën e saj:
"Mbrëmë mbusha 45 pranvera! Edhe prej faktit që kam kaluar një “dimër të mirë” me jetën time, - për të cilin do ju flas besoj afër, - vendosa të bëj një festë për ditëlindjen time. Jo thjesht si një përvjetor, por si një respekt për jetën, njerëzit e dashur dhe vitet që ikin duke na lënë kujtime dhe vend për të riun që vjen".
View this post on Instagram
Nga komentet në postim, njerëzit kanë treguar shumë entuziazëm dhe dëshirë të madhe për ta lexuar librin, i cili mund të jetë një rrëfim tejet interesant dhe intim i Mirës.
Për fat, data është shumë afër, ndaj ia vlen ta lexoni!
