Loredana foli për lidhjen me Jozin dhe mbase na tregoi nëse janë bashkë :)

@loredanabrati/ @jozimarku/ Instagram

Loredana Brati, e ftuar në “Pushime on Top”, foli ndër të tjera për marrëdhënien me Jozefin Markun, brenda shtëpisë së “BBVA”. E pyetur nga moderatorja nëse është penduar për diçka që ka bërë gjatë periudhës së qëndrimit në shtëpi, ish-banorja rrëfeu se pendohet “100 herë”, madje, dha edhe rast konkret, si dhe tregoi se ndoshta është single!

“A ka ndonjë gjë që e ke bërë në Big Brother dhe tani thua “pse e bëra?”, e pyeti Lei Kraja, ndërsa Loredana ia ktheu:

“100 herë! Ndoshta kur u afrova me Jozin, që në fillim. Nuk do e ktheja kohën pas sepse gjithçka ndodh për një arsye, por kishte momente që ngecja në situata që nuk ishin situata të miat dhe aty thosha “Lori çfarë po bën? Nuk është gjë jotja!”.

Loredana nuk e tha shkoqur nëse vijon të jetë ende me Jozin, por kur u pyet nëse është  beqare, u përgjigj:

“Vazhdoj të jem një shpirt i lirë”, çka nënkupton se mbase janë ndarë.

Loredana dhe Jozefini u lidhën brenda qëndrimit në shtëpinë e famshme. Ata u kthyen në një ndër dyshet që dha më shumë materiale për meme (që të jemi të sinqertë). Nejse, e dimë që Jozi do e shohë intervistën dhe shpresojmë të mos zgjedhë ndonjë këngë alla "Zotëria juaj"...