Çmimi që Kiara duhet të paguajë për shkak të angazhimeve profesionale qenka goxha i lartë

Kiara Tito, e ftuar në “Wake Up”, tregoi se angazhimet e shumta profesionale, koha që po i merr filmi me Luizin dhe impenjimet në “Portokalli” kanë një kosto shumë të lartë: Më pak kohë me Luna Marinë.

Ajo rrëfeu se kjo periudhë kaq e ngarkuar i ka zgjuar edhe ndjenjën e fajit si nënë e re.

“Nuk e kisha menduar që filmi ka kaq shumë lodhje. Më mërzit pjesa që nuk takoj shpesh Lunën”, tha Kiara me sinqeritet.

Më tej, shtoi:

“Jam me 3 orë gjumë. Jam e angazhuar edhe te “Portokallia” dhe nuk kam ditë pushimi. Më mungon shumë Luna dhe herë pas here më kap ndjenja e fajit”.

Mesa duket, filmi është në fazën intensive, pasi sipas një postimi që Luizi ka bërë në Instagram, në shkurt të vitit 2026, do të kemi një film ku i shohim të dy si aktorë. Deri më tani, nuk dimë gjë se për çfarë flet, por një detaj është zbuluar: ka pakëz romancë.