Nëse keni marrë një mesazh të çuditshëm kur keni hapur whatsapp-in sot, nuk është e nevojshme të shqetësoheni pasi nuk është virus. Në fakt është krejt e kundërta.
Përdoruesit e whatsapp-it do të marrin një mesazh ku thuhet ‘mesazhet që ju dërgoni në këtë chat janë të siguruara, që do të thotë se asnjë person i tretë do të mund ti shikojë ato.’ Me pak fjalë, ky update tregon se përveç jush dhe personit me të cilin po flisni, askush tjetër nuk do të mund t’i shikojë bisedat tuaja,pra as hackerat dhe as stafi i whastapp. Ky update ka ardhur pas një pune të filluar para 18 muajsh dhe vetëm tani është vënë në zbatim, kjo edhe pas problemeve të ndodhura mes FBI dhe Apple për të zhbllokuar një iPhone për të parë mesazhet brenda tij.
‘Që tani e tutje, të gjithë personat që përdorin whatsapp, do të jeni duke përdorur versionin më të fundit të tij. Ideja është e thjeshtë, nëse ju dërgoni një mesazh të shkruar apo zanor, apo bëni një telefonatë nëpërmjet whatsapp, askush tjetër nuk do të ketë mundësi t’a shikojë apo dëgjojë. Ky update mbron privatësinë e përdoruesve të aplikacionit tonë dhe ju jep atyre mundësinë të flasin lirshëm pa pasur frikën e ndonjë përgjimi,’ ka lajmëruar stafi i whatsapp.
Burimi; Marie Claire/Përshtati; Mikaela Brokëri
