Cyber Fun

Një aplikacion, 'për të gjurmuar' personin që doni, sapo është shpikur!

22 Maj 2016

Një aplikacion, 'për të gjurmuar' personin që

Aplikacioni Uber i cili në vendin tonë nuk ka gjetur ende përdorim, ka hasur polemika të shumta në Amerikë.

Uber jep mundësinë të gjithë udhëtarëve, të cilëve u nevojitet një taksi, për të kontaktuar dikë me të cilin mund të ndajnë udhëtimin. Personi i cili është pa makinë, tregon koordinatat ku ndodhet dhe nëse një person tjetër me makinë ndodhet aty afër dhe shkon në të njëjtin vend, atëherë ata të dy mund ta bëjnë rrugën bashkë. Mirëpo, kjo gjë ka shkaktuar shumë incidente, më së shumti raste abuzimi seksual, duke arritur deri tek përdhunimi. Për këtë arsye, është parë e nevojshme krijimi i një aplikacioni tjetër i cili tregon se ku po shkon personi për të cilin ju jeni të interesuar. Opsioni “Family Profile” jep mundësinë  që të ndiqni të gjithë itinerarin që nga moment i nisjes e deri në momentin kur mbërrin. Shpikja ka gjetur interes të madh, sidomos në marrëdhëniet në çift, mirëpo nga disa përdorues ai shihet dhe si një cënim privatësie. 

Aplikacioni i publikuar në mars, lejon përdoruesit që të gjurmojnë deri në 10 persona të afërt. “Family Profile” tregon gjithashtu një pamje të shoferit dhe të dhënat e automjetit.

Burimi: Daily Mail / Përshtati: Ergisa Bejkollari

MOS I HUMBISNI