Një mesazh që po dëmton përdoruesit e Whatsap-it në mbarë botën, është duke qarkulluar muajt e fundit. Mesazhi në fjalë sugjeron shkarkimin e një version të ri të quajtur “Whatsapp Gold”, i cili konsiderohet si ekskluziv.
Opsionet e reja që i shtohen këtij aplikacioni, sipas mesazhit, janë mundësia për të dërguar qindra foto, simbole të reja, telefonata me anë të videos etj. Ajo që thuhet gjithashtu është se më parë “Whatsapp Gold” përdorej vetëm nga të famshmit, për arsye sigurie. Mëgjithatë të gjitha këto janë gënjeshtra. Shkarkimi i tij jo vetëm që do e mbushë telefonin tuaj me viruse, por do shkaktojë rrjedhjen e informacioneve të rëndësishme.
Vetë kompania “Whatssap” ka dalë në një deklaratë ku ka thënë se versione të tilla si “Whatsapp Gold” apo “Whatsapp Plus” (një tjetër mashtrim i bërë kohë më parë) nuk kanë asnjë lidhje me kompaninë. Madje ata kanë mëshuar fort tek fakti që nëse përdoruesit shkarkojnë njërin prej këtyre versioneve, ata nuk do munden të përdorin më versionin original.
Burimi: Express.co.uk / Përshati: Ergisa Bejkollari
