Të vendosësh që të bësh një tatuazh mund të jetë një stres i vërtetë. Si mund ta dish me siguri nëse do të të pëlqejë si do të duket imazhi në trupin tënd. Epo tashmë ka një zgjidhje edhe për këtë dhe si një pjesë e madhe e zgjidhjeve të problemeve të përditshme, vjen në formën e një aplikacioni.

Bëhet fjalë për InkHunter, një aplikacion që mund t’ju shpëtojë nga pendesa e post-tatuimit, duke ju treguar se si do të duket tatuazhi i përzgjedhur në trupin tuaj. Në fillim, me ndihmën e kamerës, përdoruesi i tregon sistemit se në cilën pjesë të trupit dëshiron ta ketë tatuazhin. Pas kësaj, mund të zgjedhësh nga një numër i madh dizenjosh në librarinë e aplikacionit ose të krijoni vetë tatuazhin që dëshironi. Nga këtu, aplikacioni e vendos tatuazhin në pjesën e trupit që dëshironi dhe lejon rregullime të tjera për ta përshtatur sa më mirë.

InkHunter është krijuar nga disa studentë ukrahinas në vitin 2014 dhe ka qenë falas për publikun për pothuajse një vit. Që prej kësaj kohe, popullariteti i aplikacionit vetëm rritet.

Burimi: Self/ Përshtati: Kristi Tashi