Nëse ende nuk keni dëgjuar për “Pokemon Go”, ka ardhur momenti për t’i kushtuar vëmendje sepse loja që ka çmendur të gjithë Amerikën, sapo ka mbërritur në Europë ku pritet të ketë sukses të jashtëzakonshëm.
Bëhet fjalë për një aplikacion të frymëzuar nga seriali i famshëm për fëmijë “Pokemon”, që në fillim të viteve 2000 ishte një nga serialet më të ndjekura në mbarë botën. Loja, e cila lejon përdoruesit të “kapin” nëpërmjet kamerës së celularit krijesat e animuara që quhen Pokemon të cilat fshihen nëpër qytet, sapo ka mbërritur në Europë dhe vendi i parë ku është prezantuar është Gjermania, për t’u ndjekur së shpejti nga pjesa tjetër e Europës.
“Pokemon Go” është kthyer në një fenomen të rrjeteve sociale që ka përfshirë jo vetëm adoleshentët, por edhe moshën e mesme. Që prej prezantmit fillestar të vetëm pak ditëve më parë, aksionet e kompanisë që e ka prodhuar kanë kapur vlera marramendëse.
Burimi: Independent/ përshtati: Kristi Tashi
