E dimë çfarë po mendoni: ditë e re, hashtag i ri. Por përpara se t’ju ezaurohen nervat, jepini një shanc trendit të ri në rrjetet sociale, i quajtur #KofshëSirene. Një vit më parë, trendi i hapësirës mes kofshëve mori kritika të shumta për shkak se promovonte një imazh negativ të trupit femëror dhe krijonte standarte ndonjëherë të paarritshme.

Por, në 2016-ën, përdoruesit e rrjeteve sociale po u gëzohen kofshëve të kolme, pikërisht nën hashtag-un #KofshëSirene. Trendi konsiston në postimin e fotografive të kofshëve që bashkohen me njëra-tjetrën dhe duket se rrjetet sociale, po e përjetojnë vërtet mirë. Vajza të shumta kanë nxituar të postojnë fotot e kofshëve të tyre, në atë që tashmë është shndërruar në një lloj fushate për vetbesimin dhe promovimin e një imazhi pozitiv për trupin femëror.

Burimi: InStyle