Cyber Fun

Ja ç’do të thotë mesazhi që keni marrë sot nga WhatsApp

26 Gusht 2016

Ja ç’do të thotë mesazhi që keni marrë sot nga

Facebook po bëhet gati të aksesojë në të dhënat tuaja në WhatsApp dhe t’i përdorë ato për reklama. Ky është thelbi i mesazhit që shumë prej jush keni marrë sot nga WhatsApp, ose që do të merrni së shpejti. Një gjë e tillë ka shkaktuar nervozizëm mes përdoruesëve të platformës së famshme të komunikimit, për shkak të cënimit të privatësisë. WhatsApp, me kompani mëmë Facebook-un, ka nisur t’u dërgojë mesazhe përdoruesve, të cilëve u kërkohet të japin akses në informacionet e tyre, në mënyrë që Facebook t’i përdorë ato për të përmirësuar shërbimin e reklamave.

Nëse druheni për sigurinë e informacioneve tuaja private (bisedat), mos u shqetësoni. Ekziston një mënyrë për të shmangur ndarjen e informacioneve, e cila duhet bërë me shpejtësi. Nëse ende nuk i keni pranuar kushtet e reja, prisni derisa të shfaqet dritarja në aplikacion, e cila ju kërkon të bini dakord. Në vend që të pranoni, shtypni opsionin e vogël ku shkruhet: “Read More” dhe klikoni më tej mbi kutinë: “Ndaj informacionet e llogarisë sime në WhatsApp me Facebook”.

Nëse i keni pranuar kushtet e reja, mund ta zhbëni një gjë të tillë, por vetëm brenda 30 ditëve. Shkoni në opsionin: "Settings", klikoni "Account" dhe aty mund të çaktivizoni opsionin e ndarjes së informacioneve.
Burimi: Independent / Përshtati: Kristi Tashi

MOS I HUMBISNI