Pas lajmit të bujshëm të përfundimit të bashkëpunimit të tyre profesional dhe si rrjedhojë edhe ndarjes sentimentale, që të dy nuk e pranuan kurrë, Era Istrefi dhe Faton Shoshi janë fotografuar sërish bashkë.

Këngëtarja dhe ish-menaxheri i saj janë parë bashkë në një shisha lounge në Prishtinë dhe dukeshin shumë rehat në praninë e njëri-tjetrit nisur nga buzëqeshjet e gdhendura në fytyrë.

Era dhe Fatoni kanë përjetuar bashkë ngjitjen e menjëhershme profesionale të yllit të ‘Bonbon’, por i dhanë fund bashkëpunimit pas disa mosmarrëveshjeve. Pas disa deklaratave të Fatonit që na bënë të mendojmë se mes të dyve s’do të kishte më kthim pas, të dy rindoqën njëri-tjetrin në Instagram rreth dy javë më parë.

I pyetur nga “Panorama Plus” për një mundësi ribashkimi dhe cila ishte marrëdhënia e tij me Erën, ai u përgjigj: “Është herët për të folur rreth kësaj çështjeje. Ne jemi shokë, që do të thotë se kurrë s’jemi ndarë keq në marrëdhënien tonë. Por gjithçka pritet të shihet më vonë si do të shkojë”, tha ai.

Dhe me ç’po shohim, gjërat mund të jenë duke shkuar mirë.