Uji Mineral Natyral “Glina” është një shpëtim për të gjithë ata që vuajnë nga sëmundjet urinare dhe gastro-enterologjike.  Në konferencën e tretë mjeko-shkencore me temë “Positerapia në Mjekësinë Moderne”, mjekë dhe profesorë nga Shoqata e Urologëve të Shqipërisë dhe Kosovës dhe Shoqata e Nefrologëve të Kosovës, u përqëndruan në vlerat kurative të ujit mineral “Glina”, duke risjellë në vëmendje një studim të kryer nga viti 1948-1991 tek mbi 15,000 të sëmurë, që dëshmoi se pacientët panë përmirësime në shëndetin e tyre menjëherë pasi nisën të konsumonin rregullisht ujin me një histori 10-tra vjeçare në Shqipëri, “Glina”. 

Gjatë fjalimeve të tyre në konferencën e organizuar në Prishtinë në bashkëpunim me ujin “Glina”, mjekë të njohur si Prof.Dr. Flamur Tartari, Dr. Thanas Naci, Prof. Dr. Nestor Thereska, Prof. Dr. Ibrahim Rudhani dhe Dr. i Shkencave Arbër Neziri dhanë fakte shkencore që konfirmonin domosdoshmërinë e këtij uji mineral natyral në tryezat tona, jo vetëm për të prekurit nga sëmundjet urinare, por për të gjithë njerëzit, falë vlerave të mëdha kurative që mbart “Glina”. 

Shumë studime botërore e cilësojnë ujin mineral natyral si një faktor kyç për zhvillimin dhe shëndetin e trurit dhe të trupit, për shkak të mineraleve që gjenden në të. Disa benefite të tjera të ujit mineral natyral “Glina” janë: 

Përmirësimi i shëndetit të kockave, falë përmbajtjes së lartë së Kalçiumit.

Ruajtja e një peshe konstante, nëpërmjet mineraleve që shpejtojnë metabolizmin dhe ndihmojnë në shkrirjen e dhjamrave. 

Kontroll mbi tensionin. Uji mineral natyral ndihmon shumë tek njerëzit që vuajnë nga luhatje të tensionit, falë mineraleve të kalçiumit dhe magnezit.

Ul ndjeshëm aciditetin. Uji mineral përmban sulfate, të cilët ndihmojnë në rregullimin e tretjes, kryesisht në probleme me fryrjen dhe konstipacionin. 

Përmirëson shëndetin e lëkurës. Uji mineral natyral përmban silica, që nxit prodhimin e kolagjenit, duke ulur kështu rrudhat dhe njollat. E ndihmon lëkurën të luftojë aknet dhe e hidraton atë. 

Zbut dhimbjet e artritit. Uji mineral natyral si “Glina” është një ilaç fantastik për inflamacionin dhe dhimbjen që shkaktohet nga artriti. Mineralet dhe përbërësit e tjerë aktivë, ulin inflamacionin dhe zbusin fryrjen në kyçe, shkaktuar nga kjo sëmundje. 

Flokë të shëndetshëm. Smogu dhe dielli e dëmtojnë cilëisnë e flokut. Uji mineral rikthen forcën e humbur, duke e rikthyer flokun në PH-në normale. Gjithashtu uji mineral natyral si “Glina” ndihmon në rritjen e nivelit të oksigjenit në tru.