Reperi shqiptar Noizy ka publikuar ditën e sotme në profilin e tij në Instagram rastin e një vogëlusheje e cila ka nevojë për ndihmë.

Klea është emri i vajzës 2- vjeçare e cila është djegur me qumësht. Familjarët e vogëlushes e kanë të pamundur financiarisht ta shërojnë vajzën e tyre pasi kostot e kurimit arrijnë shifra të konsiderueshme.

Vetëm pesë orë më parë Noizy ka publikuar rastin në fjalë dhe menjëherë njerëz të shumtë i janë përgjigjur thirrjes së tij për ndihmë.

Reperi i njohur ka publikuar në story disa nga kontributet e mbledhura deri më tani. Ndonëse ende nuk ja ka dalë të sigurojë të gjithë shumën që duhet, Noizy në kaq pak kohë ka arritur të sigurojë mjaft të ardhura për t’i ardhur në ndihmë kësaj vogëlusheje.

Gjithashtu të shumtë janë edhe komentuesit në profilin e Noizyt , të cilët e përgëzojnë dhe ofrojnë kontributin e tyre për rastin në fjalë. 

Mesa duket reperi i njohur di ta ta përdorë shumë mirë dhe pikërisht atëherë kur duhet influencën e tij prej djali të famshëm, ndaj kjo vlen të përgëzohet.