Nëse gjatë seksit ju ndodh të ndjeni një dorë që i prek vazhdimisht të pasmet tuaja, apo ndonjë gisht që i afrohet vrimës anale, kjo do të thotë se partnerit tuaj i pëlqen seksi anal. Është kaq e thjeshtë. Dhe ju nuk keni pse të trembeni nga ideja. Nëse nuk e keni provuar asnjëherë apo keni hequr dorë pas herës së parë, nuk mund ta dini kurrë ndjesinë.

Në fakt seksi anal mund t’ju shijojë dhe mund të kontribuojë në një orgazëm të fuqishme, nëse bëhet siç duhet. Megjithatë nëse nuk doni ta bëni, mos e bëni. Është gjithçka në dorën tuaj. Por nëse vendosni të shkoni në anën e errët, ja çfarë duhet të keni parasysh:

1. Nuk duhet të dhembë

Këtu hyn në punë lubrifikanti. Praktikisht duhet të ndiheni sikur ju shkohet në banjë. Në fakt nuk ju shkohet (shpresojmë). Relaksoni muskujt dhe merrni frymë thellë. Përdorni lubrikant me bazë ujin.

2. Filloni ngadalë

Filloni me gishta ose ndonjë lodër të vogël seksi, derisa të ndiheni gati për hapat e tjerë; lëvizjet të ngadalta. Gradualisht nuk do të keni asnjë dhimbje.

3. Komunikimi është çelësi

E vetmja mënyrë që kjo të funksionojë është të flisni. Tregoji si ndihesh gjatë procesit dhe ai duhet t’ju pyesë vazhdimisht për gjendjen tuaj.

4. Nuk është e pistë

Anusi dhe pjesa fundore e rektumit kanë shumë pak materiale fekalesh, dhe nuk është aspak e pistë siç mund të kishit menduar.

5. Por mund të pastroheni

Çelësi i seksit anal është të ndjerit rehat, prandaj jeni të lirë të bëni gjithçka për t’u ndjerë më mirë. Provoni dushin anal njëherë në disa kohë, kështu mund ta flini mendjen gjatë aktit. Një tjetër alternativë pastrimi është uji i ngrohtë.

6. Do ndiheni më mirë nëse ka stimuj të tjerë

Stimul vaginal, klitoral, apo në thithka, gjithçka që ju pëlqen.

7. Sigurohuni që partneri nuk do përdorë të njëjtin gisht në anus dhe vaginë

8. Nëse nuk ju pëlqen pas disa herëve, hiqni dorë

Është normalë të mos ndiheni shumë komode herët e para, por nëse ndjesia e pakënaqësisë vazhdon, mbase thjesht nuk bën për ju.

9. S’keni pse depiloheni

Nëse doni të depiloheni mund ta bëni. Por nëse nuk doni, mos e bëni dhe sërish mund të bëni seks anal.

Disa përfitime të seksin anal janë:
-zero shanse për të mbetur shtatzënë
-orgazma të shumta dhe të fuqishme
-mund të eksperimentoni me disa lodra seksi njëkohësisht
-mund të lidheni akoma më shumë përsa i përket intimitetit me partnerin

Artikull i përditësuar, përshtatur nga Cosmopolitan*