Një fëmije të cilit ju dhanë shumë pak shanse për jetë duke qenë se lindi në javën e 23-të të shhtatëzanisë, ka festuar ditëlindjen e tij të parë në Angli. Rasti i Lucas Moore ka rizgjuar debatet mbi limitin 24-javësh brenda të cilit një femër mund të abortojë, pasi Lucas pas lindjes nuk ka patur probleme të rëndësishme shëndetësore, edhe pse pesha e tij ishte vetëm gjysmë kilogrami.
Prindërve të tij, Sylvia dhe Thomas Moore, iu tha që të përgatiteshin për lindjen e një fëmije të vdekur, pasi ujrat plasën në javën e 22-të të shtatzanisë. Doktorët thanë se edhe nëse fëmija i tyre mbijeton, organet e tij do të ishin aq të dobëta sa nuk do të mundej të mbrohej nga infeksionet.
Çiftit deklaron se iu është thënë se nuk do të kishin mbulimin e sigurimeve shëndetësore nëse fëmija do të peshonte më pak se 1 pound (0,45 kg)
Pas një lindjeje e cila zgjati 10 ditë, Lucas erdhi në jetë duke peshuar shumë pak përtej këtij limiti. Në spitalin universitar Coventry, ai u diagnostikua me gjakderdhje në tru. Prindërve iu është thënë se nëse do të mbijetonte, fëmija i tyre do të vuante çrregullime të rënda dhe madje u është thënë të merrnin në konsideratë edhe heqjen e aparateve të cilat e mbanin në jetë.
Por prindërit, të cilët pak muaj më parë kishin pësuar një tjetër shatatëzani të dështuar, vendosën ta linin djalin e tyre të luftonte për jetën. Pas katër muajsh kujdesi intensiv, Lucas ishte mjaftueshëm i fortë për të shkuar në shtëpi me prindërit e tij. Babai i tij shprehet:
“Ne vendosëm se nëse ai do të luftonte, atëherë edhe ne do të luftonim për të, dhe kështu bëmë. Kuptuam se kishim bërë zgjedhjen e duhur kur infermieret na thanë se gjakderdhja në trurin e tij ishte zhdukur”.
Kështu Lucas pak kohë më parë ka festuar ditëlindjen e tij të parë, në shëndet të plotë. Në një studim të kryer një vit më parë në Angli, u zbulua se 120 foshnja të lindura në javën e 23-të të shtatëzanisë, kanë mundur të shpëtojnë nën kujdesin e mjekëve specialistë. Megjithatë legjislacioni ende njeh një limit prej 24 javësh që lejon abortin e këtyre fëmijëve.
Burimi: Telegraph
