Lil Tay është një vajzë 9- vjeçare kanadeze, emri i së cilës po lakohet shumë së fundmi. E gjitha kjo falë profilit të saj me 2.5 milionë ndjekës në Instagram, llogari që sigurisht që menaxhohet nga persona të tjerë të rritur.

Lil arriti të bëhej virale duke postuar video në të cilat reklamonte një jetën luksoze të një ylli muzike, që përveç se ishte tërësisht e papërshtatshme për një 9- vjeçare gjithashtu nuk ishte aspak lidhje me jetën e vërtetë të vogëlushes dhe familjes së saj.

Në muajin qershor në Instagramin e Lil Tay u fshinë të gjitha postimet e bëra deri në atë kohë dhe sipas familjarëve llogria në fjalë do të ndryshohej tërësisht. Ndërsa këtë muaj në të njejtin profil janë bërë postime shqetësuese në të cilat 9- vjeçarja qan si pasojë a abuzimit.

Postimet në fjalë kanë shtyrë shumë njerëz të mendojnë se shkaktar i gjithë kësaj është dikush që hiqet si babai i 9-vjeçares. Ende nuk dihet nëse personi në fjalë është me të vërtetë i ati, pavarësisht faktit se ky i fundit është ofruar t’i japë mediave si prova foto të tijat me vogëlushen në faza të ndryshme të jetës. Ndërkohë nëna e vajzës ende nuk ka bërë një deklaratë të qartë lidhur me gjithë historinë.

Me gjithë përpjekjet as autoritetet nuk po munden të arrijnë në një përfundim të asaj që ka ndodhur me profilin e vogëlushes, nëse llogaria në fjalë është Hack- uar apo vazhdon të përdoret një njerëz më të rritur që po shfrytëzojnë Lil Tay- n për qëllimet e tyre.