Në një sondazh të bërë pak ditë më parë (që përfundoi sot në orën 09:00), ndjekësit e Anabel Facebook, u pyetën se cilat nga vajzat e brezit të ri të moderatoreve ishte e preferuara e tyre. Emrat e vendosur në sondazh u zgjodhën duke patur parasysh faktin se shumicës prej tyre, ndonëse kanë patur eksperienca, u janë besuar formate tek të cilat s'i kemi parë më parë.

Nga të gjithë emrat e mëposhtëm, u pa se pjesa më e madhe e votave shkoi për Ori Nebiajn.

 30% e rreth 7422 votuesëve kanë zgjedhur të preferuarën e tyre moderatoren e “Wake Up”.

 Por pse njerëzit duan Orin? Në shumë prej komenteve, duket se çfarë i ka bërë njerëzit për vete është shkathtësia dhe thjeshtësia që i vjen natyrshëm kur prezanton.

Në vend të dytë,me një diferencë të vogël në përqindje, 25%, ishte Dojna Mema.

Prezantuesja e “Pop Culture ” ishte e preferuara tjetër nga prurjet e reja që televizioni ka sjellë në vitet e fundit.

Çfarë binte në sy, (të paktën nga komentet) ishte se njerëzit që zgjodhën Orin përmendën të njëjtën arsye me ato të Dojnës.

"E qeshur, pozitive dhe e thjeshtë." Duket sikur përpos oratorisë dhe aftësive në moderim, për të qenë më afër njerëzve, thjeshtësia dhe lirshmëria në ekran është kriter i rëndësishëm.

Pas Orit dhe Dojnës në vendin e tretë njerëzit kishin renditur Fjoralba Ponarin me 14% të votave, Bieta Sulo me 8%, Nevina Shtylla me 5%, Orinda Huta, Klea Huta dhe Roza Lati me 4% e më pas Rudina Dembacaj dhe Bora Zemani me nga 3%.

Copyright Anabel.al / Ndalohet ribotimi pa lejen e redaksisë.