Ditën e djeshme (e premte, 23 nëntor) Mimoza Shkodra publikoi këngën e saj më të re me titull “Mu ma le fajin”. Nisur nga pjesë të teksit, si “Mu ma le fajin/ sa gabime tek ti gjeta/ jo nuk ta fali/ prej teje mësova se nuk jemi perfekt/ sa shumë premtime...” me të drejtë ose jo, njerëzit menduan se ishte një dedikim për Seldi Qalliun, ish-të fejuarin e saj.

Mirëpo, e kontaktuar nga Iconstyle.al, Mimoza është shprehur kështu:

“Aspak! Teksti është shkruar nga 2 Step, jo nga unë. Njerëzit mund ta lidhin me ngjarje të të kaluarës sime, por nuk fakt nuk është histori personale. Nuk i kam bërë askujt dedikim deri më sot.”

Zërat për një lidhje të mundshme midis Seldit dhe Mimozës nisën rreth një vit më parë, gjë që u konfirmua në mes të muajit shtator të 2017-s, ku dyshja postoi një foto teksa ndodheshin të dy në të njëjtin vend: Pilatus, në Zvicrën Qendrore.

Jo më shumë se një javë më vonë, Seldi dhe Mimoza shpallën fejesën, ku shkëmbyen unazat në një ceremoni në Zvicër vetëm me rrethin e ngushtë shoqëror.

Siç mund ta keni lexuar, nisën dyshimet kur nuk e ndiqnin më njëri-tjetrin në Instagram, derisa Seldi e pranoi publikisht në një nga performancat në “Dance With Me”. Mimoza foli për herë të parë për ndarjen në një intervistë për “Mirage”.