Ditën e sotme Lorik Cana ka ndarë me ndjekësit e tij në Instagram videon promovuese të filmit që mban emrin e tij.

Videoja në fjalë fillon me Gjakovën, qytetin e origjinës së furbollistit dhe më pas pasurohet nga fragmente të shkëputura nga ndeshjet dhe golat më të rëndësishëm që Cana ka shënuar në fushën e blertë.

Një rol të rëndësishëm në këtë film biografik duket se luajnë edhe rrëfimet e bashkëpunëtorëve, njerëzve të afërt dhe kolegëve të futbollistit.

“Lorik” është një produksion i “Digitalb” dhe “Girafa”. Filmi është gati dhe së shpejti do të shfaqet në ekranet e kinemave.