Mëngjesin e sotëm, gjimnazistët kanë bojkotuar mësimin për t’iu bashkuar protestës. Në Tiranë, Elbasan dhe Korçë gjimnazet janë boshatisur ndërkohë që nxënësit janë drejtuar për te pikëtakimi me studentët.
Në Tiranë, “Sami Frashëri”, “Petro Nini”, “Shkolla profesionale e Ekonomikut” dhe “Qemal Stafa” janë disa nga gjimnazet që po marrin pjesë momentalisht në protestë.
Nga ana tjetër, BalkanWeb raporton se në Elbasan, përpara hyrjes së gjimnazeve në orën 08:00 qëndronin një numër i konsiderueshëm nxënësish, të cilët kanë refuzuar të marrin pjesë në mësim dhe i janë drejtuar sheshit kryesor të qytetit.
Po kështu raportohet se studentët e Elbasanit janë nisur me mjete private për t’iu bashkuar protestës në Tiranë, përpara Ministrisë së Arsimit. Ju kujtojmë se ora 16:00 është afati i fundit që studentët i kanë vënë qeverisë për plotësimin e 8 kërkesave të tyre.
