Emisioni i ri i drejtuar nga Fjoralba Ponari do të nisë në janar të vitit të ardhshëm. Ashtu siç moderatorja ka bërë me dije edhe më parë, duke filluar nga janari i 2019-ës, të dielave në Top Channel do të ketë fëmijë, showbiz (nga ai i sikletshmi) dhe padyshim muzikë.

Ndërsa pak orë më parë, në llogarinë e saj të Instagram-it, Ponari postoi një video të shkëputur nga provat përgatitore të emisionit.

“Një copëz nga dashuria që unë marr nga këta fëmijë! Së shpejti...”- shkruan ajo në videon ku shumë vogëlush  e përqafojnë të gjithë njëherësh.

Kësaj atmosfere, që duket se në qendër ka fëmijët, duket se do t’i shtohen lojërat, sporti, dhe sigurisht edhe thashethemet.