Të vetmet raste kur në Instagram shohim një foto të Ledion Liços, janë atëherë kur bashkëshortja Sara Hoxha vendos të postojë një foto familjare ose vetëm me Ledionin. Prej kohësh, ai qëndron larg ekranit dhe rrjeteve sociale. Pra, me ç’projekte po merret momentalisht Liço?

Sipas Iconstyle, Ledioni ka vendosur të themelojë një televizion të ri, i cili do të quhet “Melody TV” dhe t’i kushtohet argëtimit dhe muzikës. Nisur nga përshkrimi, duket si një platformë e ngjashme si “My Music” apo “InTv”.

Nuk kanë munguar zërat se Ledioni ka në plan të largohet nga Top Channel, ku është vendosur që prej fillimit të karrierës së tij. Në korrik të 2018-s, burime për Syri.net u shprehën se si pasojë e një zënke me Ben Blushin, drejtor i programacionit në Top Channel, Ledioni do të largohet nga Topi. Pak orë më vonë, ai hodhi poshtë thashethemet duke i konsideruar si “lajme të rreme”.

Burime për Anabel.al nuk e konfirmojmë lajmin se Ledioni ka në plan të ndërtojë një televizion të vetin. Të njëjtat burime shprehen se momentalisht ai është zhvendosur në platformën DitigAlb, ku po merret me produksione.

Liço konfirmoi largimin nga ekrani në nëntor të një viti më parë, pak muaj para fillimit të sezonit të ri të “The Voice Kids”, i cili iu besua Dojna Memës.

“Në janar nis sezoni i ri i ‘The Voice Kids’ në Top Channel. Si gjysmë shaka vitin që kaloi thashë që nuk do ta bëj më këtë eksperiencë sfilitëse emocionale, pas tetë vitesh si prezantues, tre prej të cilave si producent ekzekutiv. Shakaja është gjysma e së vërtetës dhe mesa duket është koha t’i hap rrugë një vizioni të ri dhe një brezi të ri.”