Dje, Children’s Human Rights Centre of Albania, një organizatë jo-fitimprurëse që mbron të drejtat e fëmijëve në vend njoftoi autoritetet mbi dy punonjës të Bashkisë së Tiranës që dyshohet se ngacmojnë seksualisht fëmijë nga gjimnazet.

Në një postim në Facebook, CRCA Albania shkruan: “CRCS njoftoi Policinë e Shtetit, Agjencinë Shtetërore për të Drejtat e Fëmijëve dhe Komisionerin për të Drejtat e Fëmijëve në lidhje me dy zyrtarë të Bashkisë Tiranë për dyshimin se kanë ngacmuar seksualisht fëmijë në gjimnaze të Tiranës. Aq i tmerrshëm ishte bërë një prej tyre sa fëmijët i kishin ngjitur nofkën ‘Fili Pedofili.’

CRCA ka kërkuar hetim të menjëhershëm të dy zyrtarëve të lartë të Bashkisë Tiranë dhe të kujtdo tjetër që mund të ketë pasur dijeni për ngjarjen dhe nuk bëri asgjë për të ndaluar ngacmimet seksuale të vajzave dhe djemve gjimnazistë të Tiranës!”

Burime pranë Anabel konfirmojnë se një prej të akuzuarve, i lartpërmendur në deklaratën e CRCA mban një post që kërkon kontakt të vazhdueshëm me të rinj të qytetit. Gjithashtu, mësohet se vetëm disa nga të miturit e ngacmuar morën guximin të denoncojnë ndodhinë në Qendrën për Mbrojtjen e Fëmijëve (CRCA).