Përshëndetje, mirë se erdhët në një artikull objektivizues. Në vijim, do të lexoni pak për disa aktorë shqiptarë të dekadës së fundit dhe do të shëtisni sytë në tre foto seksi të secilit.
Nisim me Nik Xhelilajn, që fitoi vjet si burri më seksi sipas ndjekësve të Anabel. Nëse ndjeni nevojën të shihni më shumë foto ndjellëse, klikoni këtu, për të shkuar në një tjetër artikull objektivizues.
Vijojmë me Indri Qyteza Shiroka, aktor shkodran, rritur në Itali. Ka marrë pjesë në disa prodhime italiane dhe në disa shfaqje teatrale në vend. Ngjan dhe çun i mirë dhe i keq.
Rikthehemi në gjirin tonë, me Eni Shehun – na falni për shprehjen – ku*varin e #Love #Likes #Tirana. Pas një shkëputjeje të gjatë nga aktrimi, Eni u kthye si Klajdi zemërthyesi.
Si mund të mos përmendnim Amos Zaharinë, dashurinë e vjetër. Nëse ju ka marrë malli ta shihni në ekran, mund të shihni filmin e tij të fundit, “Red Lines.”
Donald Shehu së fundi bëri namin me rolin në "Engjëjt e Amerikës" ku puthet në skenë me Laert Vasilin, por ju mos mendoni për këtë. Mendoni për kaçurrelat e tij dhe mustaqen e këndshme. Nëse tregoheni të duruar, Donaldin do ta shihni diku në një episod të #LLT, por mos i tregoni njeriu.
Helidon Fino, dallon nga të tjerët në këtë listë. Nuk e dimë pse, por dimë që dallon.
Lulzim Zeqja ka një portret që s’i heq dot sytë. Qoftë me mjekër a pa. Nëse bëhet fjalë për shumë mjekër, atëherë mund t’ia heqësh sytë pa problem.
Igli Zarka, një nga aktorët e të bujshmes “Equus,” e gjeni të fotografuar më poshtë teksa performon nudo. Gjithashtu më poshtë gjeni edhe nofullën e tij të lavdishme.
