“Cats” (Macet) është një film muzikal dhe fantazi britaniko-amerikan i vitit 2019, një version live-action i muzikalit me të njëjtin emër, që në vetvete bazohet te përmbledhja poetike “Old Possum’s Book of Practical Cats” nga poeti i njohur i shekullit XX, Thomas S. Eliot.
Filmi, me regji nga Tom Hooper që sjell muzikalin e dytë pas “Les Misérables” (Të mjerët) në vitin 2012, ka ngjallur debat të ashpër në rrjet, fill pas publikimit të trailerit që duhet thënë është zhgënjyes.
Pavarësisht pjesëmarrjes së emrave të njohur si James Corden, Judi Dench, Jason Derulo, Idris Elba, Jennifer Hudson, Ian McKellen, Taylor Swift, Rebel Wilson etj, filmi është pritur tmerrësisht keq.
Pyetja #1: Sa të mëdha janë macet?
Në përmbledhjen me poezi të T.S Eliot, macet janë mace. Në “Cats”, siç mund ta shihni, macet kanë një madhësi trupore sa njerëzit.
Pyetja #2: Pse vesh Judi Dench një pallto të bërë me gëzof nga lëkura e maceve?!
Pyetja #3: Për aq kohë sa nuk është Catwoman, pse macet duhet të kenë gjoks?!
Të shumtë janë njerëzit që theksojnë se “nuk prisnin këto karaktere”. Macet nuk ngjasojnë fare me strukturën e tyre anatomike dhe këta hibridë duken tejet të çuditshëm. Për shembull, shihni bishtin në këtë foto:
“Cats” del në kinema në dhjetor të 2019-s dhe njerëzit nuk janë fare entuziastë. Në videon e publikuar nga Universal Pictures në YouTube, “Cats – Official Trailer” ka mbi 47,000 dislikes (mospëlqime) në raport me 33,000 likes.
