Një ngjarje e rëndë ka tronditur Australinë pasi një vajzë 20-vjeçare me origjinë shqiptare u gjend e vrarë me thikë brenda makinës së saj në Adelaide. Sabrina Lekaj u gjet pajetë në makinë dhe pranë saj ndodhej edhe i ati me shenja gjaku në trup, Petrit Lekaj.

Shoqet e të ndjerës kanë rrëfyer për mediat në Australi se pasi kishte festuar me to, Sabrina ishte shprehur e shqetësuar se mos i bërtiste i ati. Sipas ABC, 20-vjeçarja njihej si studente e shkëlqyer në mjekësi dhe pianiste e zonja.

Policia pretendon se ajo u qëllua me thikë nga babai, i cili më pas goditi edhe veten. Momentalisht, Petrit Lekaj po trajtohet në spital i mbikqyrur nga policia dhe pritet të gjykohet këtë të premte.

Burimi: ABC dhe Mirror