Ditën që 20-vjeçarja Sabrina Lekaj u gjend e pajetë në makinën e saj, nëna e saj, shkroi diçka në një profil në Facebook, që nuk mban emrin e saj, por përdoret nga ajo. Nën foton e profilit, një fjongo zie, shkruan: “S’ka fjalë që e përshkruajnë dhimbjen!”

Pretendohet se Sabrina Lekaj u vra nga babai i saj, pasi ajo kishte dalë me shoqet dhe kishte fjetur te shtëpia e njërës prej tyre. Babai, Petrit Lekaj, gjithashtu i shkaktoi vetes plagë në trup dhe gjendet në spital, në Adelaide. Ai u paraqit në sot gjykatë përmes një video-telefonate dhe do të mbetet nën mbikqyrjen e policisë. Seanca e radhës është në janar dhe atëherë, avokati i tij mund të kërkojë liri me kusht.

Së fundi u publikuan mesazhe që Sabrina shkëmbente me shoqen e saj, që nxirrnin në pah dinamikën mes të resë dhe prindërve.