Erik Lloshi, i dha fund beqarisë këtë fundjavë, ku kurorëzoi në martesë dashurinë e tij me partneren Romina Sablic.

Në dasmën e këngëtarit nuk munguan shumë prej kolegëve të tij këngëtarë, një pjesë e mirë e të cilëve Eriku i ka edhe miq.

Olta Boka, Blerina Braka, Aurela Gaçe, Mateus Frroku e shumë të tjerë kënduan bashkë me të në natën e madhe të çiftit, por çfarë nuk kaloi pa u vënë re ishte mungesa e Anxhela Peristerit.

Anxhela nuk qe e pranishme atë mbrëmje, mungesë e cila thellon edhe më zërat që thonë se marrëdhënia mes dyshes nuk është më si dikur.

Për ata që s’e dinë, Anxhela dhe Eriku kanë qenë jo vetëm kolegë, por dhe miq të ngushtë. Thashethemet për një zënkë mes të dyve nisën që kur këngëtari mungoi në koncertin recital që Peristeri mbajti 1 vit më parë.

Ndonëse vetë Anxhela i mohoi të tilla aludime e ftuar tek “Vizioni i Pasdites”, megjithatë mungesa e saj në dasmë, konfirmon atë që dyshonin të gjithë.