“Steve Jobs është gjallë dhe po fshihet në Egjipt,” thanë një tufë me njerëz pasi panë foton e mëposhtme. Por mos u entuziazmoni, është thjesht një teori konspirative. E keni parasysh që thonë se 2Pac nuk ka vdekur vërtet dhe jeton diku në Brazil a Kubë? Të njëjtën gjë po aludojnë dhe për Steve Jobs.

Fotoja është realizuar në Egjipt dhe në të duket një burrë që i ngjason tmerrsisht shumë themeluesit të ndjerë të Apple. Syzet, mjekra e shkurtër, flokët e thinjur, madje edhe dora në fytyrë e bën të duket sikur po ideon produktin më të ri të gjigantit teknologjik.

Jobs u nda nga jeta në vitin 2011, pas një beteje të ashpër me kancerin e pankreasit. Kështu që jo, nuk po fshihet diku në botë si Jim Morrison apo Elvis Presley.