Gjerësisht i njohur për arkitekturën madhështore, hapësirat e gjelbërta dhe kafenetë tradicionale, kryeqyteti europian u shpall vendi më i mirë në botë për të banuar. Bëhet fjalë për Vjenën.
Kryeqyteti austriak u rendin në vendin e parë duke kryesuar tabelën me rezultate pothuajse perfekte. Ai u pasua nga Melburn, Sidnei, Osaka dhe Kalgari.
Të dhënat përpilohen nga The Economist Intelligence Unit bazuar në indeksin vjetor të jetueshmërisë. Indeksi merr në konsideratë 30 faktorë cilësorë dhe sasiorë, që ndahen në pesë kategori kryesore: stabiliteti (25%), kujdesi shëndetësor (20%), kultura dhe mjedisi (25%), arsimi (10%) dhe infrastruktura (20%).
Edhe pse dhjetëshja e parë u dominua nga Australia, Kanadaja dhe Japonia, vendet Europës patën rezultate të mira në përgjithësi. Tetë nga 20 qytetet më të mira për të banuar janë në Europën Veriore, si për shembull Kopenhagen, Zyrih, Frankfurt apo Gjenevë, përkatësisht në vendin e 11, 12 dhe 14.
Helsinki, Amsterdami dhe Hamburgu gjithashtu u pozicionuan në 20 vendet e para, ndërsa Berlini dhe Luksemburgu në vendin e 21 dhe 23.
Londra dhe Nju Jorku u vlerësuan shumë për kulturën, por u rrëzuan në renditje për shkak të problemeve në infrastrukturë, stabilitetet si edhe rrezikut nga terrorizmi dhe krimet e tjera. Qytetet u renditën përkatësisht në vendin e 48 dhe 58. E njëjta gjë edhe për Parisin në vendin e 26, i cili ra gjashtë pozicione nga renditja e vitit të kaluar për shkak të protestave antiqeveritare.
Damasku në Siri u cilësua si qyteti më pak i jetueshëm në botë, ndjekur nga Lagos në Nigeri dhe Dhaka në Bangladesh.
Lista me 10 qytetet më të mira për të jetuar:
1. Vjenë, Austri
2. Melburn, Australi
3. Sidnei, Australi
4. Osaka, Japoni
5. Kalgari, Kanada
6. Vankuver, Kanada
7. Toronto, Kanada
7. Tokio, Japoni
9. Kopenhagen, Danimarkë
10. Adelaide, Australi
Lista me 10 qytetet më pak të jetueshme në botë:
1. Damask, Siri
2. Lagos, Nigeri
3. Dhaka, Bangladesh
4. Tripoli, Libi
5. Karaçi, Pakistan
6. Port Moresbi, Papua Guinea e Re
7. Harare, Zimbabve
8. Douala, Kamerun
9. Algjer, Algjeria
10. Karakas, Venezuela
Përshtatur nga CNN
