Ngrënia e thonjve nuk është vetëm një problem estetik, por mund të shndërrohet më vonë në një problem për shëndetin duke u bërë shkak për depërtimin e baktereve të ndryshme në organizëm. E marrim me mend sa e vështirë duhet të jetë të heqësh dorë nga ngrënia e thonjve, por hap pas hapi mund t’ja dilni.

1. Identifikoni arsyen

Tregohuni të kujdesshëm për të kuptuar arsyen ose arsyet që ju detyrojnë të hani thonjtë. Zakonisht, shumë njerëz e bëjnë këtë veprim kur janë përballë një situate stresuese, përjetojnë ankth, mërzi etj. Në situata të ngjashme, përdorni diçka tjetër si antistres.

2. Provoni ta eleminoni vesin në mënyrë graduale

Fillimisht mund të vendosni të rrisni të paktën njërin prej thonjve dhe rezultati do t’ju motivojë për të tjerët.

3. Mbulojini

Mund të vendosni thonj fallso ose gjatë dimrit të mbani doreza.

4. Aplikoni manikyr me shije të hidhur

Pasi të keni zbuluar shkakun që ju bën të ngacmoni thonjtë, të keni gjetur një veprim tjetër si antistres dhe të jeni të gatshëm për t’i rritur, aplikoni manikyr me shije të hidhur. Një manikyr i tillë, të cilin e gjeni në supermaket, dyqane me produkte kozmetike ose farmaci, pengon ngrënien e thonjve.

Burimi: American Academy of Dermatology