Dëgjoni me kujdes ç'kemi për t'ju thënë: Dikur, Angela Martini ka qenë e lidhur me Kanye West! 

Po, Kanye West, reperin e famshëm, POR mbi të gjitha burrin e Kim Kardashian-it! Angela, e ftuar në Soiree, e pohoi me gojën e saj se ajo dhe West kanë pasur diçka para shumë vitesh!

"Edhe ca thashetheme të tjera dolën para ca kohësh...Kanye West?!"- i drejtohet moderatorja, e cila më tej e pyet drejtëpërdrejtë nëse kishte apo jo diçka mes tyre.

"Ah, para 100 viteve! Po, kishte. E thashë meqë the se nuk kam problem t'i them."- përgjigjet Angela duke qeshur.

Më tej ajo tregon se thashethemet që kanë qarkulluar kanë qenë të vërteta, por asokohe ajo mohoi gjithçka. 

"Ka patur diçka me të, por kur doli atëherë e mohova. Nuk doja të përflitesha për gjëra të tilla."

Pra, Angela dhe bashkëshorti i Kim Kardashian ( e nënvijëzuar) kanë patur një romancë. Epo nëse Martini thotë se kjo ka ndodhur para 100 vitesh, jemi në rregull.

Para 100 viteve, Kim dhe Kanye s'kanë qenë të martuar, pavarësisht se ylli i Instagram-it ka qenë gjithnjë ëndrra e West.