Ashtu siç u njoftua, Eleni Foureira ishte e ftuara speciale e natës finale të "Festivalit të Këngës". Këngëtarja me famë botërore, përcolli gjithë energjinë e saj përmes këngëve më të njohura të repertorit të saj.
Sigurisht, e ftuar për herë të parë në një skenë shqiptare, Eleni tha se është shumë krenare për origjinën e saj.
"Jam shumë e lumtur që jam këtu në Shqipëri. Dua t'i them nënës dhe gjyshit, që tani janë në Vlorë dhe po më shohin se i dua shumë."- u shpreh ajo në gjuhën shqipe.
Foureira, e lindur në Fier dhe rritur në Vlorë deri në momentin që emigroi në Greqi tha se fillimi për të nuk ka qenë i thjeshtë, por tani gjërat kanë ndryshuar.
"Sot nuk është shumë e vështirë. Greqia është e bukur, njerëzit janë të sjellshëm dhe mikpritës. Nuk është e vërtet që janë racistë.Kur unë isha e re nuk ishte dhe aq e thjeshtë. Muzika i bashkon popujt."- vijoi ajo.
Gjatë intervistës me Alekta Vejsiun, ylli i "Fuego" këndoi shqip (ashtu siç u pa edhe në videon e publikuar nga Vera Grabocka) dhe tha se është e dashuruar pas këngëve të vjetra shqiptarë.
View this post on Instagram
Përsa i përket Eurovizionit, këngëtarja u shpreh se fituesin e pret një emocion i madh në atë festival dhe mendon se është koha që Shqipëria të jetë në Top 5 mes gjithë vendeve konkurrente.