Kjo është Kristiana Kuqi, 23 vjeçe, lindur në Kosovë, shkolluar në Angli. Në nëntor, ajo u bë e famshme sepse i kërkoi një djali të panjohur në Paris ta puthte për një foto të bukur para kullës Eifel. Pse?

“Jam rritur në Kosovë, në një vend të pushtuar nga lufta dhe gjenocidi. Nuk kisha asnjë foto nga fëmijëria, ishim shumë të varfër. Fantazoja që një ditë të shkoja në Paris, të bëja foto të bukura,” tregon ajo për Steve Harvey. “Kur fillova shkollë në Angli, arrita të shkoja në Francë dhe doja të bëja foton, por u kujtova që s’kam të dashur.”

Këtu i lindi ideja gjeniale. Donte një foto romantike dhe gjeti dikë për të puthur. Një djalë që po shihte punën e tij pranoi, e puthi dhe u largua për të mos e takuar kurrë. Historia, të cilën Kristiana e postoi në Tëitter, u pa nga gjysmë milioni njerëz.

Të njëjtën foto si në Paris, Kristiana e bëri edhe para Koloseut dhe në dy vende të tjera. Nuk ruajti kontakt me asnjë nga çunat sepse ua bëri shumë të qartë që në fillim që bëhet fjalë thjesht për një foto.

Kristiana thotë që u ndje shumë mirë pas fotove sepse bëri diçka që donte vërtet ta bënte, pa u trembur, pa u stepur. Çkemi, një puthje, një foto, mirupafshim. Është më e vështirë nga ç’duket, prandaj e kuptojmë kur thotë që u ndje e fuqizuar.

Lind pyetja: Çfarë shenje është Kristiana? Akrep? Luan? Binjak? Shigjetar?

Përditësim: Kristiana është shumë Gaforre.