Muajin tjetër, Chitetsu Watanabe mbush 113 vjeç dhe dhuratën paraprake e mori nga Rekordet Guinness, ku u konfirmua si burri më i vjetër në botë.

Ai mori certifikatën të mërkurën në azilin e të moshuarve ku jeton në Niigata, Japoni. Momentalisht, ai është 112 vjeç dhe 344 ditë, sipas Guinness.

Në një intervistë të vitit të kaluar, ai u shpreh se sekreti i jetëgjatësisë së tij është që “të mos zemërohemi dhe të buzëqeshim gjithmonë”. Hmm...bukur.

Gjatë jetës, ai punoi në një kompani që prodhonte sheqer, përpara se të punësohej nga qeveria japoneze në sektorin e bujqësisë. Mori pjesë edhe në ushtri në vitin 1944 afër fundit të Luftës së Dytë Botërore. Chitetsu merrej me kopshtari dhe rriti fruta dhe perime deri në moshën 104-vjeçare.

Gruaja më e vjetër në botë është Kane Tanaka, e cila gjithashtu jeton në Japoni. Ajo lindi më 2 janar të vitit 1903 dhe u certifikua si gruaja dhe njeriu më i vjetër në botë vitin e kaluar.