Zoti nuk harron kurrë. Aty aty me Zotin janë dhe ndjekësit e Bes Kallakut që jo vetëm s’harrojnë, por mbajnë mend dhe detaje.

Besi postoi pak më parë kolazhin e përvitshëm me gratë e jetës së tij në nder të 8 marsit, Ditës Ndërkombëtare të Grave. “Urime 8 marsin mami Shpresa, ajo që më lindi, Ija ime pastaj që më rriti, dhe Xhensila, nëna e vajzës sime. 3 gratë e jetës,” shkruan ai.

Komentuesit u ndanë në dysh. “Ti paske mama, mendova se të kishte lindur Ija,” thanë gjysma dhe “Ke harruar motrën prapë,” tha gjysma tjetër.

Vjet, për 8 mars, Besi uroi të njëjtat gra: mamin, Ijen dhe Xhensilën. Për të motrën, Anën tha se nuk gjeti foto sepse kishte dalë vetë shumë keq. Herën e parë ndjekësit e falën, por të dytën, u treguan të ashpër si kurrë më parë.