Në Kuvendin e Kosovës u votua mocioni i mosbesimit për qeverinë e Albin Kurtit me 82 vota pro rrëzimit të qeverisë, 32 kundër dhe 1 abstenim.

Shën.red. Mocion - propozim ose kërkesë që votohet në parlament kundër veprimtarisë së qeverisë.

Pasi lideri i Lëvizjes Vetëvendosja shkarkoi nga detyra ministrin e Brendshëm të ardhur nga Lidhja Demokratike e Kosovës, parti me të cilën Kurti bashkëqeveriste, u lëkund edhe kualicioni.

Vetëm deputetët e Lëvizjes Vetëvendosje votuan kundër rrëzimit të qeverisë të udhëhequr nga lideri i tyre. Kundër rrëzimit të qeverisë qenë edhe 3 deputetë të Lidhjes Demokratike të Kosovës, mes të cilëve kryetarja e Kuvendit, Vjosa Osmani.

Albin Kurti drejtoi pushtetin ekzekutiv për vetëm 51 ditë, duke u bërë kështu qeveria më jetëshkurtër e Kosovës.