Thuhet se Olta Boka është shtatzënë për herë të parë! Burime për Iconstyle bëjnë me dije se këngëtarja dhe partneri i saj janë në pritje të ëmbël. Vetë Olta, e njohur për privatësinë e saj, nuk ka bërë asgjë publike, por po të njëjtat burime thonë se barku i rrumbullakosur s'i ka shpëtuar më syrit të njerëzve.

Nuk dihet ende në ç'muaj të shtatzënisë është këngëtarja dhe as gjinia e bebushit. Prej shumë vitesh, këngëtarja është në një lidhje me Iv Rrokajn, djalin e një prej ish-deputetëve të LSI-së dhe pedagogut, Shezai Rrokaj.

Përsa i përket zgjedhjes së saj për të mos folur kurrë për jetën private, Olta është përgjigjur kështu:

“Mjaftohem me 2-3 informacione që më tregojnë mua të vërtetë. Një gjë më shumë askujt nuk do t’I hynte në punë. Dua ta kem për vete. Një gjë shumë të shtrenjtë njeriu e mban për vete. Unë kam zgjedhur të jem artistja në ekran, jo njeriu që bën scoop-e. Historia ime është zbuluar që në fillime. Në ekran jam munduar ta shmang sa më shumë si temë, se pastaj fillojnë të bëjnë rezymenë e jetës”.