Ish-stafi i markës së famshme franceze Hermes janë paraqitur në gjykatë, të akuzuar për shitje çantash false, përfshi këtu edhe modelin ikonik "Birkin".
Rreth 10 njerëz ndodhen në gjyq, 7 prej të cilëve ish-punonjës të kompanisë luksoze, që akuzohen se kanë prodhuar dhjetra çanta jo origjinale, të cilat i shisnin më pas me mijëra euro.
Hetuesit, e ndoqën me hollësi këtë rrjetin e falsifikuesëve, pasi bastisën apartamentin e një burri që u shiste çanta të vjedhura në Francë, konsumatorëve në Azi.
Gjatë hetimeve, autoritetet zbuluan ekzistencën e një atelieje sekrete ku prodhoheshin çantat e rreme të markës luksoze.
Të akuzuarit, mosha e të cilëve varion nga 30 deri në 61, thuhet se kanë prodhurar dhjetëra çanta Hermes jo origjinale në vitet 2013 dhe 2014 të cilat më pas janë shitur 23,500 euro dhe 32,000 euro secila, duke e çuar fitimin e kompanisë më shumë se 2 milionë euro. Mes çantave, ishte dhe modeli më i famshëm i markës, Hermes Birkin, model i frymëzuar nga aktorja franceze Jane Birkin.
Prokurorët u shprëhën për gjykatësin se 3 prej të akuzuarëve nisën prodhimin fals të çantave, 2 prej të cilëve punonin tek Hermes-i, kurse i treti merrej me importin e lëkurës së krokodilit nga Lombardia, ku janë bërë dhe kopjet. 5 punonjësit e tjerë janë gjithashtu në gjyq sepse kanë vendosur nëpër çanta simbolin e markës, të thurur me dorë.
Hermes Birkin është një prej çantave më ekskluzive të lëkurës, e punuar me dorë dhe e prezantuar për herë të parë në 1980-ën. Ky model, është aq i famshëm dhe me vlerë, sa ende ekzistojnë listat e gjata me njerëz që janë në pritje për ta blerë. Në maj të 2017-ës, një model i Birkin u shit në Hong Kong për një shifër rekord prej $380,000. Gjyqi për të akuzuarit, pritet të vijojë deri të premten.
Burimi: The Guardian
