Pak fjalë për ACE Family (kalo te paragrafi tjetër nëse jeni të përditësuar me YouTuberat e famshëm): Austin McBroom është 28 vjeçari basketbollist, por i njohur më së shumti për videot e tij në Youtube dhe rrjetet e tjera sociale me familjen. Kanali në YouTube: “The ACE Family”, i cili e ka marrë emrin nga inicialet e Austin, Catherine dhe Elle, vajzës së tyre të parë, numëron rreth 19 milionë abonues. Çifti kanë sot 3 fëmijë, por në fillim të hapjes së kanalit të tyre në YouTube, ata kishin vetëm Elle, kjo shpjegon edhe emrin e kanalit. Pak kohë më parë, erdhi në jetë fëmija i tretë, djali me emrin Steel, i cili ka në llogarinë e tij në Instagram 1 milionë ndjekës, që prej postimit të parë në 2 korrik. Austin, u bë i njohur në mediat sociale, fillimisht si basketbollisti simpatik i kolegjit, por sot të ardhurat e tij dhe të gjithë familjes, vijnë në pjesën më të madhe nga YouTube-i. Raporte të ndryshme vlerësojnë se vlera neto e Austin është rreth $5 milionë.

Çfarë ndodhi tani: Pas qarkullimit të kësaj videoje, ka patur një numër të madh reagimesh që i kërkojnë Austin të japë një shpjegim për veprimin që bëri. Njerëzit duken të shqetësuar për fëmijët dhe e cilësojnë veprimin si abuzim seksual. Sigurisht, ka edhe të tjerë që mendojnë se reagimi është i ezkagjeruar dhe asgjë nuk duket e pazakontë apo e dyshimtë në video.

Në video, Austin shfaqet me fëmijët dhe bashkëshorten, kur në një moment pas "shuplakës", dëgjohet të thotë: "Oh God" (O Zot) dhe kjo duket se i ka shqetësuar më shumë komentuesit.

Në këtë foto të Austin, disa prej komentuesve shprehen:

"Pse duhet ta prekje seksualisht vajzën tënde", "Do ta harrojmë faktin që ai jo vetëm që e gjuajti vajzën e tij, por edhe foli në mënyrë seksuale?!" 

Pas këtyre komenteve, Austin e ka limituar aksesin e komentuesve në atë foto:

Mes shumë skeptikëve, njerëz të tjerë shprehen se nuk ka asgjë të këtij lloji në video, se "njerëzit janë shumë të ndjeshëm për asgjë" apo "të sëmurë që e mendojnë diçka të tillë".