Projekti i ardhshëm i Valentino-s është fushata #ValentinoEmpathy, e konceptuar nga drejtori artistik, Pierpaolo Piccioli, si rezultat i të jetuarit në një botë të re, në një botë me distancim social.
Në faqen zyrtare, Valentino shkruan se “Piccioli, me vizion e tij, dëshiron të shprehë ëndrrat dhe bashkëveprimin përmes koleksioneve”. #ValentinoEmpathy është konceptuar si një fushatë ku personazhe të njohur, si Laura Dern, Naomi Campbell, Gwyneth Paltrow etj., pozojnë nga shtëpia me veshjet e koleksionit Vjeshtë/Dimër 2020-2021.
Protagonistët kanë vendosur që të dhurojnë pagesat që do të merrnin për të promovuar veshjet. 1 milion euro do t’i dhurohen spitalit italian Lazzaro Spallanzani në Romë, i cili po trajton të infektuarit me Covid-19. Valentino do të bashkëpunojë me Lazzaro Spallanzani për projekte afatgjata në faza të ndryshme të pandemisë.
