Gati pesë muaj që nga dita kur Organizata Botërore e Shëndetësisë shpalli pandeminë, numri i të infektuarve me Covid-19 është rritur në 20 milionë raste.

Numri i të infektuarve në rang global kapi shifrën 1 milion në fillim të muajit prill. Deri më 22 maj, kishte gjithsej 5 milionë raste. Kjo shifër u dyfishua në fund të qershorit, ku të dhënat treguan se numri i infeksioneve arriti 10 milionë. Shtatë javë më vonë, shifra e të infektuarve u dyfishua sërish.

Kreu i OBSH-së, Tedros Adhanom Ghebreyesus, tha se pavarësisht “dhimbjes dhe vuajtjes së madhe”, ka ende shpresë dhe nuk është kurrë vonë për të luftuar virusin.

Tedros dha shembujt e vendeve që kanë arritur të menaxhojnë me sukses koronavirusin, si Zelanda e Re dhe Ruanda si edhe lavdëroi shtetet që u përballën me shpërthime të mëdha dhe tashmë e kanë situatën nën kontroll.

Një përmbledhje e OBSH-së tha 165 ekipe kandidate për vaksinën po punojnë në mbarë botën, ndërkohë që 6 prej tyre kanë arritur në fazën e tretë që lidhet me vlerësimin klinik.

Por drejtori i urgjencave të OBSH-së, Michael Ryan paralajmëroi që një vaksinë është "vetëm një pjesë e përgjigjes", duke përmendur poliomielitin dhe fruthin si sëmundje me vaksina që nuk janë zhdukur plotësisht.

Burimi: The Guardian