Pas Xhemi Shehut, Salsano Rrapi thuhet se ka vendosur gjithashtu të largohet nga 'Portokalli'.

Burime të sigurta për Anabel.al dhe CNA.al bëjnë me dije se moderatori i spektaklit dhe njëkohësisht aktori i humorit për shumë vite nuk do të jetë më pjesë e Top Channel për shkak të mosmarrëveshjeve me drejtorin e përgjithshëm të televizionit, Ben Blushin.

Salsano Rrapi prej 13 vitesh ka qenë pjesë e spektaklit të humorit, që duket se sezonin e ri do ta nisë me ndryshime të mëdha. Pak javë më parë, Xhemi konfirmoi largimin e saj nga Top Channel duke iu përgjigjur me "Po" pyetjes së ndjekësve. 

Nuk dihet ende cilët do të jenë emrat që do të zëvendësojnë Rrapin dhe Shehun, por e sigurt është që "Portokallia" këtë vit do të jetë ndryshe.

Deri më tani nuk ka ende asnjë reagim zyrtar nga Salsano.