Na ka ndodhur të gjithëve, që të paktën 1 herë në jetë të kemi parë veten në ëndërr lakuriq. Jemi zgjuar disi të frikësuar, duke pyetur këdo për një shpjegim të mundshëm. Ç'do të thotë të shohësh veten nudo në ëndërr?

Ekspertët e ëndrrave thonë se lakuriqësia në ëndërr lidhet me frikën e të qënit shumë i ndjeshëm dhe frikës për të përqafuar ndryshimet e mëdha që do të ndodhin. Zakonisht, nëse shihni veten nudo, kjo eksperiencë loidhet me një transformim të madh që është gati të ndodhë në jetën tuaj.

Mund të jetë një marrëdhënie e re, një mundësi e re pune, një zhvendosjue apo thjesht nevoja për t'u ndjerë i pranuar në çdo lloj situate nëpër të cilën po kalon. Lakuriqësia në ëndërr është një shenjë që tregon se je duke lëvizur drejt një territori të panjohur.

A ka diçka që s'shkon nëse e shihni shpesh këtë ëndërr?

Jo domosdoshmërisht, por të tilla ëndrra lidhen me ndjesinë e pasigurisë tek vetja dhe nevojën për t'u pranuar. Eshtë një shenjë që po kërkon t'ju thotë se duhet ta doni veten pak më shumë. 

Si mund ta ndaloni një ëndërr të tillë?

Bëjini vetes disa nga pyetjet më poshtë:

1- A ka diçka në jetën time që unë dua ta bëj, por ndjej që nuk kam mjaftueshëm kurajo?

2-Mos kam dikë me të cilin unë dua të jem i ndershëm sepse ndjej që ai/ajo s'është me mua?

3- A kam ndonjë lidhje/punë/eksperiencë në të cilën nuk ndihem e mbështetur?

T'i japësh përgjigje këtyre pyetjeve në mendjen tënde është një terapi shumë e mirë që jo vetëm do të të japë përgjigjet që prisje, por mund të të çlirojë nga ëndrra e zakonshme.

Burimi: Cosmopolitan