Sapo Barbados njoftoi planet të martën e kaluar, për të hequr monarkun Britanik, si kreun e tij të shtetit, shumë njerëz në media sociale ofruan atë që ata mendojnë se do të ishte një zëvëndësim i përshtatshëm – Robyn Rihanna Fenty.
Ndjekësit po bëjnë thirrje që këngëtarja të zëvëndësojë mbretëreshën Elizabeth II, si presidente e Barbados mes përpjekjes së ishullit për t’u bërë një Republikë në vitin 2021.
Barbados, i cili arriti pavarësinë nga Mbretëria e Bashkuar në 1966, tha se synon të "hedhë hapin tjetër logjik drejt sovranitetit të plotë dhe të bëhet një Republikë në kohën kur feston 55-vjetorin e Pavarësisë".
Megjithëse Barbados fitoi pavarësinë nga sundimtari i tij kolonial dekada më parë, vendi qëndroi i lidhur me monarkinë, me Mbretëreshën Elizabeth II, si sundimtare ligjore praktike, por jo politike.
Një fjalim i shkurtër nga kryeministrja Mia Mottley dhe lexuar nga Guvernatorja e Përgjithshme, Sandra Mason, u shpreh:
“Barbadianët duan një president të Barbados. Kjo është deklarata përfundimtare e besimit në atë që jemi dhe në atë që jemi të aftë të arrijmë.”
Pas njoftimeve, një fans tha:
“Është koha që Barbados të heqë mbretëreshën Elizabeth si presidente, në favor të mbretëreshës Robyn Rihanna.”
Një tjetër u shpreh:
“Më në fund! Të gjithë e dinë që sovranja e vërtetë e Barbados është Rihanna.”
Një ndjekës tjetër e quajti zëvëndësimin e mbretëreshës Elizabetës II, një “hap të rëndësishëm për titullin e Rihannës si Perandoresha e Zotit në Barbados”.
“Unë e di që nuk jam nga Barbados, kështu që mendimi im nuk ka rëndësi, por unë do të doja të nominoja Rihannën si presidente të vendit”, shkruan dikush.
“Zëvëndësojeni atë më Rihannën, ju frikacakë!”
“Barbados duhet ta bëjë Rihannën presidente!”
Disa të tjerë duken paksa të mërzitur, duke menduar se nëse ajo do të bëhet presidente, nuk do të ketë më kohë për një album të ri:
“Nëse Rihanna bëhet presidente, duhet t’i themi mirupafshim idesë së një albumi të ri.”
“Rihanna më shpejt do bëhet presidente, sesa do publikojë ndonjë këngë të re.”
Këngëtarja është vlerësuar shpeshherë nga vendi i saj, prandaj të gjitha këto, nuk përbëjnë çudi.
- Në vitin 2017, rruga në të cilën ajo u rrit u quajt Rihanna Drive.
- Në vitin 2018, ajo u emërua Ambasadore e Jashtëzakonshme dhe e Plotfuqishme në Barbados, një përgjegjësi kushtuar promovimit të turizmit, arsimit dhe investimeve në vend.
- Këtë vit ajo siguroi pajisje PPE dhe mbështetje financiare për vendin-ishull në fillim të pandemisë.
Pas faktit që do të ketë presidentin/en e saj, vitin e ardhshëm, Barbados, si shumë ish-territore të tjera në Perandorinë Britanike, pritet të bëhet një republikë brenda Komonuelthit, duke u bashkuar me ish-kolonitë e Karaibeve Trinidad dhe Tobago, Dominica dhe Guajana.
Burimi: CARIB NEWS
