Gjatë dy shtatzënive të saj, rrallë ju ka ndodhur ta keni parë Arbana Osmanin në ndonjë foto me barkun e rrumbullakosur. Moderatorja është treguar e kujdesshme të mos postojë asnjë foto gjatë pritjes së ëmbël ku dallohej dukshëm që ishte shtatzënë. 

Diçka e tillë, sigurisht që nuk u ka shpëtuar ndjekësve të cilët janë kureshtarë të dinë pse Arbana s'poston kurrë një foto me barkun e rrumbullakosur.

Sot, në Instagramin e saj, gjatë rubrikës pyetje - përgjigje, dikush e pyeti nëse është e vërtetë që urren fotot e shtatzënisë. 

"Jo, nuk është kjo. Mua thjesht s'më pëlqen të postoj foto kur jam shtatzënë në rrjete sociale pasi e di që kjo mund të ndikojë tek shumë gra, që për fat të keq i duhet të përballen me probleme të fertilitetit dhe e di sa e rëndë mund të jetë kjo. Eshtë kaq e thjeshtë."- shkruan Osmani.

Pavarësisht se zgjedhja është shumë personale, empatia e Arbanës qëndron, aq më tepër duke marrë parasysh faktin që është personazh publik dhe ka ndikim të madh tek ndjekësit e saj.