Lidhja e Amal dhe George Clooney është kaq diskrete në sy të publikut se u deshën vite të tëra për të mësuar cili është filmi i saj i preferuar nga aktori.
Mes shumë historish, Amal do të zgjidhte komedinë romantike të 1996-ës, ku George luan krah Michelle Pfeiffer. "One Fine Day" sipas Clooney-it s'u bë kurrë një film hit si shumë të tjerë, por Amal dhe miqtë e tij e adhurojnë!
Gjatë një interviste të fundit, Clooney zbuloi se nuk është takuar me Pfeiffer që nga premiera e këtij filmi dhe se gjatë xhirimeve aktori e ka gjetur veten të dehur.
Pavarësisht situatave të krijuara nga pija, xhirimet u mbyllën me sukses dhe shumë vite më vonë, Amal do të përmendte pikërisht këtë titull si ndër të preferuarit.
Për ju që s'e keni parë, "One Fine Day" rrëfen historinë e dy prindërve single që ndajnë dhe shkëmbejnë eksperiencën e tyre të prindërimit gjatë një dite pune ne New York, ndërkohë që i duhet të kujdesen për fëmijët e njëri-tjetrit.
Burimi: BuzzFeed
